2ND GOLD NG PH SA ASIAN GAMES NASUNGKIT NI MEGGIE OCHOA

TINALO ni Margarita “Meggie” Ochoa si Balqees Abdulla ng United Arab Emirates sa puntos na 1-0 ng women’s -48kg division finals ng jiu-jitsu competition noong Huwebes para bigyan ang Pilipinas ng pangalawang gintong medalya sa 19th Asian Games sa Hangzhou, Zhejiang, China.

Umabante si Ochoa para sa gold medal match na may malaking semifinal victory laban kay Pechrada Kacie Tan ng Thailand sa puntos na 4-2.

Matapos talunin si Odgerel Baybayar ng Mongolia sa elimination round of 16, lumabas siyang may impresibong submission victory laban kay Nazgul Rakhayeva ng Kazakhstan sa quarterfinals.

Ibinigay ni World No. 2 pole vaulter EJ Obiena sa bansa ang unang gintong medalya noong Sabado.

Sa kasalukuyan, ang Pilipinas ay mayroon ng  dalawang silver at 10 bronze na medalya.

Pinuri ni Pangulong Ferdinand R. Marcos Jr. si Ochoa sa pagkakamit ng ikalawang gintong medalya ng bansa sa quadrennial meet.