SUPPLY NG PAGKAIN SA HOLIDAY SEASON SAPAT – DA

SINIGURO ng Department of Agriculture (DA) na sapat ang supply ng pagkain sa holiday season.

Ayon kay DA Assistant Secretry Arnel de Mesa, “stable” ang produksyon ng karne, manok, bigas at gulay sa paparating na holiday.

Aniya, maliban sa lokal na produksyon ng bansa ay may parating ding mga import sa huling quarter ng taon upang matugunan ang mataas na demand sa pagkain sa holiday season.

Samantala, sa presyo ng gulay sa Divisoria, tumaas ang ilang paninda samantalang ang iba naman ay bumaba.

Ang kada kilo ng talong ay nasa P100, P25-30 kada kilo ang pechay, P100 bawat kilo ng sibuyas na pula habang P80 naman sa sibuyas na puti, P75 ang kamatis, P18 ang sayote, P130 ang patatas, P25-30 and repolyo habang P70 naman kada kilo ang carrots.