3 PINOY SUGATAN SA RUSSIAN MISSILE NA TUMAMA SA CIVILIAN VESSEL

CTTO

ISA ang iniulat na namatay habang tatlong Pilipino naman ang sugatan makaraang tamaan ng missile ng Russia ang isang Liberia-flagged civilian vessel na papasok ng Black Sea port sa Odesa region, ayon sa pahayag ng Ukrainian officials nitong Miyerkules.

Makaraang kumalas sa U.N.-brokered deal na gumagarantiya ng ligtas na shipment ng Ukrainian grain gamit ang Black Sea, makailang ulit na umanong inatake ng Russia ang Ukrainian port infrastructure.

“The missile hit the superstructure of a civilian vessel under the flag of Liberia, at the moment of its entry into the port,” anang Ukraine’s southern military command sa isang Telegram messenger.

Sinabi rin sa mensahe na isa ang patay habang tatlong crew members na Pinoy at isang port employee ang sugatan.

Ang barko ay nakatakda sanang magdala ng iron ore sa China nang mangyari ang insidente.