ACORDA, 88 TOP PNP OFFICIALS NEGATIBO SA DROGA

BY BIBOY DE LEON

NAGNEGATIBO sa ilegal na droga ang mga matataas na opisyal ng pulisya, kabilang si PNP chief General Benjamin Acorda Jr., sa on-the-spot na drug test sa Camp Crame national headquarters sa Quezon City.

Isinagawa ang surprise drug test sa command conference noong September 15, na dinaluhan ng 89 na matataas na opisyal mula sa Philippine National Police (PNP) command group, directorial staff, regional directors at national support unit directors.

“Ang sorpresang drug test na ito ay binibigyang-diin ang hindi natitinag na pangako ng PNP sa pagpapanatili ng pinakamataas na pamantayan ng propesyonalismo at etikal na paggawi sa mga miyembro nito,” ayon sa pahayag ni Acorda noong Linggo.

Mula Enero 1 hanggang Agosto 31, may kabuuang 25 pulis, kabilang ang sinibak na hepe ng Mandaluyong police na si Col. Cesar Gerente, ang nagpositibo sa confirmatory drug test na isinagawa sa mahigit 115,000 tauhan ng PNP.

Na-dismiss naman sa serbisyo ang walong pulis..