PRESYO NG GASOLINA MULING TATAAS

BY BIBOY DE LEON

INAASAHAN na namang tataas ang presyo ng mga produktong petrolyo sa ika-11 magkasunod na linggo sa Martes, kung saan tinatantya ng mga lokal na kumpanya ng langis na tataas ang presyo ng mahigit P2 kada litro.

Sinabi ng mga source ng industriya noong Sabado na batay sa limang araw na kalakalan sa world market, inaasahang tataas ang presyo ng diesel ng P2.30 hanggang P2.50 kada litro.

Maaaring tumaas naman mula P1.80 hanggang P2 kada litro ang presyo ng gasolina.

Halos dalawang buwan nang tuluy-tuloy na pagtaas ng presyo ng petrolyo na resulta umano ng pagbawas sa produksyon ng langis na ipinatupad ng Saudi Arabia, ang pinakamalaking exporter ng langis sa mundo.