LOLA WAGI NG P93-M SA SUPERLOTTO 6/49

NI LEX MANALO

ISANG 78-anyos na lola sa Bulacan na mahigit isang dekada nang inaalagaan ang kanyang mga numero ang nanalo ng P93-milyon sa Super Lotto 6/49 draw.

Sa kombinasyong 42-12-25-05-19-18, nabuslo ng lola ang P93,693,905.40 jackpot prize sa Super Lotto 6/49 draw na ginanap noong Hulyo 27.

“Hiling ko talaga ito sa Panginoong Diyos. Pinagdarasal ko na patamain niya ako,” anang lola sa mga opisyal ng Philippine Charity Sweepstakes Office.

Wala namang nakabuslo ng premyo sa major lotto draws na ginanap nitong Lunes.

Ang kombinasyong 37-26-05-16-21-24 ay may katumbas na panalong P28,687,710.80 sa dapat sana ay waging Megalotto 6/45 bettor nitong nagdaang Lunes.

Para naman sa Grand Lotto 6/55 , ang kombinasyong 09-02-26-49-22-30 ay panalo sana ng P29,700,000.