TSINO ARESTADO SA ROBBERY-EXTORTION

NI KEVIN GALANG

ISANG Tsino ang dinakip ng pulisya noong lunes (September 25) dahil sa bintang na robbery extortion ng kapwa niya Tsino.

Batay sa ulat kay Police Regional Office 3  director Brig. Gen. Jose Hidalgo Jr., kinilala ang suspect na si Deng Yiwei, 27, ng The Sharp CSEZ, Mabalacat City, Pampanga.

Si Yiwei ay dinampot sa isinagawang operasyon sa Sunset Valley Homes, Bgy. Cutcut, Angeles City.

Sa reklamo ng complainant na si Li Min, isang ring Chinese national, 34, ng The Heights CSEZ, Mabalacat City, nawala ang kanyang android cellular phone.

Kinontak umano siya ng suspect at pinapatubos ang cellphone sa halagang P100,000.

Agad na humingi ng tulong sa pulisya ang biktima na kagyat namang naglunsad ng entrapment.

Naaresto si Yiwei at nabawi rin mula rito ang cellphone ng biktima.