NAGTALAGA ang Malacañang ng tatlong bagong associate justice sa Court of Appeals (CA), isang Sandiganbayan associate justice, at isang Court of Tax Appeals (CTA) associate justice.
Magkahiwalay silang nanumpa sa harap ni Chief Justice Alexander Gesmundo.
Ang mga bagong hirang na mahistrado para sa CA ay sina Ma. Consejo Mapa Gengos-Ignalaga, Raymond Joseph Guevarra Javier, at Lorna Francisca Catris Chua Cheng.
Si Gengos-Ignalaga naman ang pumalit sa puwesto na iniwang bakante ng compulsory retirement ni Justice Manuel M. Barrios, na nagretiro noong Nobyembre 29, 2022.
Samantala, si Javier naman ang pumalit sa puwesto na dating hawak ni Justice Loida S. Posadas-Kahulugan, na nagretiro noong Enero 19, 2023.
Bukod dito, kinuha ni Cheng ang puwesto na dating inookupahan ni Justice Maria Filomena D. Singh, na itinalaga sa Korte Suprema.
Sa hiwalay na appointment, si Juliet Marquez Manalo-San Gaspar ay itinalaga bilang bagong Sandiganbayan associate justice, kapalit ni Alex L. Quiroz.
Si Quiroz ay itinalaga bilang chairperson ng Governance Commission for Government-Owned and Controlled Corporations (GOCCs) ni Pangulong Marcos Jr. Panghuli, hinirang si Henry Sumaway Angeles bilang associate justice ng CTA, na humalili kay Erlinda Uy.
Ang mga appointment na ito ay ipinarating kay Gesmundo sa pamamagitan ng mga transmittal letter mula sa Malacañang, na may pirma ni Executive Secretary Lucas Bersamin.
GRADE 9 SOUTH COTABATO SCHOOL SHOOTER WAS INTO ‘DEEP DARK WEB;’ LEFT NOTES – REMULLA 
SPEAKER DY, MAJORITY LEADER MARCOS FILE GUN SAFETY BILL AMID SERIES OF SCHOOL SHOOTINGS 
VILLAR FAMILY FACES GRAFT RAPS 
ANOTHER SCHOOL SHOOTING INCIDENT: 3 STUDENTS DEAD, 6 WOUNDED IN SOUTH COTABATO 
BAM TELLS DOE TO ACT URGENTLY ON ‘PALIT TANGKE’ 
PALACE CUTS GOV’T WORK HOURS ON SEPT. 28 FOR NATIONAL FAMILY WEEK