MAS MARAMING SENIORS, PUWEDE NANG TUMANGGAP NG CASH GIFT

INAPRUBAHAN ng Senado noong Lunes sa ikatlo at huling pagbasa ang panukalang batas na mag-aamyenda sa Centenarians Act of 2016 sa pamamagitan ng pamamahagi ng P100,000 cash gift nang mas maaga sa mga may edad 80, 90 at 100.

Ang datos mula sa Philippine Statistics Authority ay nagpakita na noong 2015, mayroong humigit-kumulang 7.5 milyong senior citizen at malapit sa 10 porsiyento o humigit-kumulang 790,000 ay tinatayang nasa 80 hanggang 90 taong gulang.

Sa ilalim ng Senate Bill (SB) 2028 o ang panukalang “Expanding the Coverage of the Centenarians Act,” ang mga senior citizen na naninirahan sa Pilipinas o sa ibang bansa ay dapat bigyan ng P10,000 kapag umabot sa 80-anyos, P20,000 kapag umabot sa 90-anyos at P100,000 kapag umabot sa 100-anyos.

Sa ilalim ng bagong panukala, hindi na nila kailangang maghintay hanggang umabot sa 100 taong gulang bago makatanggap ng P100,000 mula sa gobyerno.

Ayon kay Senador Imee.Marcos, na nag-sponsor ng panukalang batas, na ang pag-asa sa buhay ng mga Pilipino ay 79 taon para sa mga lalaki at 83 taon para sa mga kababaihan.

Binanggit naman ni Senate Minority Leader Aquilino “Koko” Pimentel  na maraming Pilipino ang hindi umabot sa edad na 100 at hindi natatamasa ang mga benepisyo at pribilehiyo P100,000 cash sa bawat Filipino centenarian.