13 PATAY SA SPAIN NIGHTCLUB FIRE

TINATAYA sa 13 katao ang namatay habang ilang iba pa ang sugatan sa sunog na sumiklab sa magkakatabing nightclub sa Spain noong linggo, Oktubre 1, 2023.

Ayon sa mga awtoridad, agad na naglunsad ng search-and-rescue operations para sa mga biktima ng sunog na naganap sa bayan ng Murcia sa timog Spain.

Sa pahayag sa mga reporter ni Diego Seral, tagapagsalita para sa Spanish National Police, narekober ang mga labi ng mga nasawi sa Fonda nightclub, isa sa tatlong magkakatabing clubs na nilamon ng apoy.

Ayon kay Seral, nahirapan and mga rescuer na hanapin ang iba pang mga biktima dahil sa bumagsak na bubong.

Ilang mga saksi ang nagsabing may nagaganap na birthday celebrations nang sumiklab ang sunog.

“I think we left 30 seconds to one minute before the alarms went off and all the lights went out and the screams saying there was a fire,” anang isang survivor.

Limang miyembro ng isang pamilya at dalawang kaibigan ang patuloy na hinahanap pa.