OVP, 4 PANG GOV’T AGENCIES TINANGGALAN NG CONFIDENTIAL FUNDS

Kinumpirma ito ni House Committee on Appropriations senior vice chairperson at Marikina Rep. Stella Quimbo matapos nagkasundo ang House panel na ilipat ang P194 bilyon sa 2024 national budget, kabilang ang P1.23 bilyong confidential funds ng limang sangay ng gobyerno.

Ani Quimbo, unanimous ang kanilang naging desisyon na gawing zero budget ang confidential at intelligence funds ng ilang ahensiya ng pamahalaan.

Kabilang sa mga tinanggalan ng confidential at intelligence funds ay ang Office of the Vice President,

Department of Education, Department of Agriculture, Department of Information and Communications Technology at Department of Foreign Affairs.

Ayon sa mambabatas, ang confidential intelligence fund ay ibibigay sa mga karapat-dapat na ahensiya ng gobyerno.

“Our panel introduced P194 billion worth of institutional amendments. The main goal was to rationalize the allocation of resources to fight inflation, invest in human capital and in our country’s future,” ani Quimbo sa isang press briefing.

“We believe that the House of Representatives is on the right side of history,” dagdag pa niya.