SUPORTA NG FRANCE, SOKOR, JAPAN SA PH SA WPS PINURI

NAGPASALAMAT ang Department of National Defense (DND) sa mga gobyerno ng France, South Korea at Japan sa pagpapahayag ng kanilang suporta sa bansa kasunod ng pinakabagong insidente ng pangha-harass  ng China Coast Guard sa mga barko ng Pilipinas na nagsasagawa ng routine rotation and resupply (RORE) mission sa West Philippine Sea (WPS).

“We wish to acknowledge the statements issued by the Governments of France, South Korea, and Japan supporting the Philippines in the latest incident wherein Chinese vessels, operating illegally, aggressively, and provocatively, hit Philippine ships in the WPS,” pahayag ng DND.

Nauna rito, sinabi ni Defense Secretary Gilberto Teodoro Jr. na tinitingnan ng gobyerno ng Pilipinas ang pinakabagong insidenteng ginawa ng China bilang tahasang paglabag sa international law

Ang supply boat ng Pilipinas na Unaiza Mayo 2 at ang Philippine Coast Guard BRP Cabra (MRRV-4409) ay nasa isang RORE mission sa BRP Sierra Madre sa Ayungin Shoal nang ang mga barkong Tsino ay agresibo na nagmamaniobra, natamaan at napinsala ang dalawang barkong Pilipino noong Oktubre 22.

Ang isa pang resupply boat, ang Unaiza May 1, ang nakapaghatid ng kargamento nito sa BRP Sierra Madre.

Idinagdag ni Teodoro na walang legal na karapatan o awtoridad ang China na magsagawa ng mga operasyon ng pagpapatupad ng batas sa teritoryong karagatan ng Pilipinas at mga exclusive economic zone.

“This is a serious escalation of the illegal activities conducted by the Chinese government in the WPS in complete disregard of any norm or convention of international law,” Teodoro said. PNAsyon ng internasyonal na batas,” giit ni Teodoro.