2 PINOY WALA SA ISRAEL, INAALAM KUNG BIHAG NG HAMAS

DALAWANG Pilipino na nawawala ang pinaniniwalaang kabilang sa mga hostage ng miltanteng grupong Hamas sa Gaza.

Ito ay makaraang wala umanong makitang palatandaan na ang dalawa ay nasa Israel.

Ayon kay Department of Foreign Affairs (DFA) Undersecretary Eduardo de Vega, hindi nila makumpirma kung bihag nga ng Hamas ang dalawang Pinoy bagama’t naniniwala ang Israel na isa sa mga ito ay lalaking hostage.

Sinabi ni de Vega na nakikipag-usap na si;a sa mga gobyerno upang humingi ng tulong para sa pagpapalaya ng mga bihag.

“Hindi namin pwedeng sabihin ang aming ginagawa para sa mga bihag, ang maaari lamang naming sabihin ay nakikipag-usap kami sa mga posibleng makatulong. Hindi kami nakikipag-usap sa Hamas, kungdi sa mga gobyerno lamang,” anang DFA official.

Mismong ang misis ang nagkumpirma na nakita niya sa video ang kanyang mister na kabilang sa mga tinangay at binihag ng grupong Hamas.