KIM CHIU DINENY NA HIWALAY NA SILA NI XIAN LIM

PINASINUNGALINGAN ng aktres na si Kim Chiu ang bali-balitang hiwalay na sila ng kanyang long-time boyfriend na si Xian Lim.

Sinabi ng aktres na bida sa suspense thriller series na “Linlang” na sila pa rin ng aktor at masaya sila.

“Grabe! Kayo talaga, baka nalilinlang lang kayo,” nakatawang wika niya.

“Okay naman po kami ni Xi. Oo, mapanlinlang ang showbiz, pero maayos naman. Masaya naman po,” dagdag pa ng aktres.

Nagsimulang mag-date ang dalawa noong 2012.

Gayunman, inamin ni Kim na naging magkarelasyon sila ng taong 2018.