National

28K TRABAHO ALOK KASABAY NG DOLE 90th ANNIVERSARY SA DISYEMBRE

admin November 28, 2023

TINATAYA sa 28,000 trabaho ang maaaring pag-agawan sa gaganaping job fairs ng Department of Labor and Employment (DOLE) kasabay ng paggunita ng kanilang 90th founding anniversary ngayong Disyembre.

Sa isang press statement, hinikayat ng DOLE ang mga naghahanap ng trabaho sa buong bansa na bisitahin ang alinman sa kanilang 21 job fair sites kung saan tinataya sa inisyal na 28,136 vacancies mula sa 340 participating employers ang maaaring pagpilian mula December 1 hanggang 14.

Kabilang sa venues at petsa ng job fairs sa Metro Manila ay ang mga sumusunod:

Manila Science High School auditorium, Taft Avenue, Manila (Dec. 1); Barangay Hall, Barangay Poblacion, Pateros (Dec. 7); Robinsons Metro East, Pasig City (Dec. 5 para sa local job fair at Dec. 3 para sa overseas job fair)

Kabilang sa top industries ang business process outsourcing, manufacturing, retail at sales, construction at hospitality.

Ang mga nangungunang bakanteng trabaho ay customer service representatives, production workers/operators, cashiers, baggers, laborers, carpenters, painters, casino dealers at service crew.

Sinabi ng DOLE na ang bilang ng job vacancies ay maaari pang madagdagan sa mga susunod na araw.

Ang mga job seeker ay hinihikayat na maghanda ng kanilang application requirements gaya ng resume o curriculum vitae, certificate of employment sa mga dating employed, diploma, transcript of records at training certificates.

Ang iba pang petsa at venues ng job fairs sa Luzon ay kinabibilangan ng mga sumusunod:

Cordillera Administrative Region – Sky Zone, Porta Vaga Mall, Baguio City (Dec. 1) Ilocos Region – Robinsons Place Pangasinan, Calasiao, Pangasinan (Dec. 1); Pangasinan Provincial Capitol, Lingayen, Pangasinan (Dec. 7) Cagayan Valley – SM City Tuguegarao, Bagay Road, Tuguegarao City (Dec. 2) Central Luzon – Bataan Provincial Capitol, Balanga City, Bataan (Dec. 1); Waltermart, Cabanatuan City, Nueva Ecija (Dec. 1) Calabarzon – Lipa Academy for Sports, Culture and Arts (LASCA), Sto. Tomas-Lipa Road, Lipa City, Batangas (Dec. 2) Bicol Region – SM City Legazpi, Legazpi City, Albay (Dec. 1)

Sa job seekers naman na taga Visayas ay maaaring magpunta sa mga sumusunod na lugar:

Western Visayas – SM City Iloilo, Iloilo City (Dec. 7) Central Visayas – Taloto covered court, Barangay Taloto, Tagbilaran City (Dec. 2); Poblacion, Madridejos, Cebu (Dec. 6); SM Seaside, Cebu City (Dec. 8) Eastern Visayas – Tacloban City Convention Center, Tacloban City, Leyte (Dec. 1)

Samanala, sa Mindanao, ang job fair sites ay matatagpuan sa mga sumusunod na rehiyon:

Zamboanga Peninsula – KCC Mall de Zamboanga, Gov. Camins Road, Zamboanga City, Zamboanga del Sur (Dec. 4) Northern Mindanao – SM Uptown Cagayan de Oro, Mastersons Avenue, Cagayan de Oro City (Dec. 1 and 2) Davao Region – People’s Park Davao, Palma Gil St, Davao City (Dec. 2) SOCCSKSARGEN – Notre Dame of Marbel University (Dec. 14) Caraga – Robinsons Place Butuan, Jose C. Aquino Ave., Butuan City (Dec. 1)

Ang tema ng anibersaryo ng Departamento ngayong taon ay: “DOLE@90: Serbisyong Mabilis at Matapat sa Bagong Pilipinas.”