KATHNIEL KINUMPIRMA ANG HIWALAYAN

MAKALIPAS ang mahigit 11-taon ng pagiging magkarelasyon, kinumpirma nina Kathryn Bernardo at Daniel Padilla na hiwalay na sila.

Sa Instagram post ngayong Huwebes, Nobyembre 30, 2023, pinatotohanan ni Kathryn ang matagal nang bulungbulungan na break na sila ni Daniel.

“Chapter closed,” ani Kathryn sa kanyang post.

“I hope this finally helps all of us move forward. I won’t be entertaining questions regarding this anymore.

“Thank you for understanding,” saad pa niya.

Ilang araw nang maugong ang hiwalayan ng magka-loveteam ngunit ngayong Huwebes ng hapon lamang nila ito kinumpirma.

Naging emosyonal rin ang post ni Daniel sa Instagram na nagsabing lagi niyang babaunin ang kanilang alaala sa kanyang puso at magiging liwanag sa madidilim niyang araw.

“Bal, ang pagmamahal ko sa ‘yo ay walang hanggan at walang katapusan,” ani Daniel.

Pinayuhan ng ilang mga mamamahayag ang KathNiel fans na tanggapin nang hiwalay na ang kanilang mga idolo.

Wala namang ibinigay na dahilan ang dalawa kung bakit sila naghiwalay.