5-ANYOS NA BATA DEDBOL SA PINAGLARUANG ALCOHOL

ISANG 5-anyos na bata ang nasawi makaraang paglaruan ang isang galon ng alcohol sa Ilocos Norte.

Ang bata, na hindi na binanggit ang pangalan, ay residente mg Banna, Ilocos Norte.

Batay sa imbestigasyon ng pulisya, naglaro ang paslit kasama ang isa pang kapatid sa likod ng  kanilang bahay.

Inihagis umano ng magkapatid ang isang galon ng alcohol at sinindihan na naging sanhi ng pagsabog.

Nagtamo ang paslit ng matinding lapnos sa tiyan at hita na kanyang ikinamatay.

Nakaligtas naman sa pangyayari ang kapatid ng biktima.

Nilapatan ng paunang lunas ng mga magulang ang biktima ngunit hindi na ito dinala sa ospital.

Kinaumagahan, nagsimulang magsuka ang biktima at isinugod ito sa ospital kung saan  ito idineklarang dead- on-arrival.