CRISTINE REYES UMAMING ANNULED NA ANG KASAL SA DATING  ASAWA

KINUPIRMA ng aktres na si Cristine Reyes na annulled na ang kanilang kasal ng kanyang dating mister na Ali Khatibi.

Ginawa ng 34-anyos na aktres and kumpirmasyon sa isang interbyu ng beteranong host na si Boy Abunda.

Nang tanungin ni Abunda si Cristine ay walang kaabog-abog itong sumagot ng: “Matagal na Tito Boy. Yes po, like more than a year.”

“Kasi, Tito Boy, hindi ko naman siya inannounce eh. It’s not something I should celebrate,” dagdag pa ng aktres na nagkaanak ng babae sa kanyang dating asawa.

Matatandaang si Cristine at ang dati nitong mister ay ikinasal noong Enero 2016.

Noong 2019, kumalat ang balita sa social media na naghiwalay na sila.

Ang aktor na si Marco Gumabao ang sinasabing karelasyon ngayon ng aktres.