PAGBABA NG EDAD NG PAGIGING SENIOR CITIZEN SA 56 HIRIT NI REVILLA

NAIS ni Senador Ramon “Bong” Revilla Jr.  na maibaba ang edad ng pagiging senior mula 60 sa  56.

Ayon kay Revilla, pangunahing may akda ng bagong pirmang Expanded Centenarian Law,  kinakailangang maibaba ang edad ng pagiging senior dahi sa bumababa aniyang life expectancy ng buhay ng mga Pinoy.

Bukod dito, sinabi niyang maraming Pilipino ang umiinom na ng maintenance medicines pagtuntong ng edad 40 o mas mababa pa.

Mungkahi niya na bahagi ng kondisyon sa pagpapababa sa edad na matatawag na senior sa 56 ay ang ma-enjoy nito ang 10 percent discount sa pagkain, gamot at iba pa.

Anang senador, nais niyang malaman ang pangkalahatang sentimyento ng mga Pilipino bago niya igiit ang panukala sa Senado.