SI ISABEL GIRLFRIEND KO, BOYFRIEND NIYA AKO — JOHN LLOYD

INAMIN na ng aktor na si John Lloyd Cruz na sila na ni Isabel Santos sa interview ni Fast Talk host Boy Abunda last Tuesday.

Nakangiting sabi ni Lloydie: “Si Isabel ay girlfriend ko. Boyfriend niya ako.” 

Sa kuwento ng aktor, naging close siya sa artist na si Isabel noong sandaling iniwan nya ang showbiz para mag-venture into visual arts

Kuwento ng aktor: “Napadpad ako sa pag-e-explore ng art, so gallery nila ‘yung una kong napasok. Sila ‘yung una kong nakilala, ‘yung family nila.”

Sa hindi pa nakakaalam, si Isabel ay apo ng of award-winning cartoonist  na si Mauro “Malang” Santos.

“Matagal na kaming magkakilala (Isabel). We were talking before but hindi nag-evolve into something ideal for us at that time. Mula noon present na siya sa buhay ko,”  pahayag ng aktor.

Si John Lloyd ay naunang na-link sa aktres na si Ellen Adarna at mayroon silang anak na lalaki na si Elias.

Si Ellen ay happily-married sa isa pang aktor na si Derek Ramsey

Matatandaang naunang napabalita ang romance nina Lloydie at Isabel noong 2021 kung kailan unang nag-share ang aktor ng posts kasama si Isabel.