3 MANGINGISDANG PINOY NALUNOD NG SALPUKIN NG BARKO SA WPS — PCG

TATLONG mangingisdang Pilipino ang nasawi nang mabangga ang kanilang bangkang pangisda ng dayuhang commercial vessel habang nasa karagatan ng Scarborough Shoal.

Ayon sa Philippine Coast Guard (PCG)  noong Miyerkules,  ibinahagi ng isang crew member ng FFB DEARYN na nangyari ang insidente bago mag-umaga noong Oktubre 2.

Ang bangkang pangisda ng mga Pilipino ay nakadaong sa layong 85 nautical miles hilagang-kanluran ng Scarborough Shoal, na lokal na kilala bilang Bajo de Masinloc, nang mabangga ito ng isang dayuhang barko.

Lumubog ang bangka na nagresulta sa pagkalunod ng kapitan nito at dalawang tripulante.