P6,500 SAHOD NG KASAMBAHAY SA METRO MANILA APRUB NA

MAGANDANG balita para sa mga kasambahay sa National Capital Region o Metro Manila.

Simula sa susunod na taon ay magkakaroon sila ng dagdag sa buwanang sahod.

Batay sa motu propio Wage Order No. NCR-DW-04 na ipinalabas ng Regional Tripartite Wages and Productivity Board – National Capital Region (RTWPB-NCR) noong Disyembre 12, 2023, madaragdagan ng P500 ang monthly minimum wage ng mga kasambahay para tumaas ang sahod nila sa P6,500.

Ang wage order ay ilalathala sa Disyembre 18, 2023, at magkakabisa sa Enero 3, 2024.

Sa ilalim ng Kasambahay Law ang kasalukuyang minimum wage ng mga housemaid sa Metro Manila ay P6,000 kada buwan.