LALAKI PINUGUTAN NG ULO SA CAVITE

NAGSASAGAWA ngayon ng malalimang imbestigasyon ang pulisya sa pagkakadiskubre  nitong linggo sa katawan ng isang lalaki na walang ulo  sa Carmona City, Cavite.

Ang hubo’t hubad na katawan ng bktima ay itinapon sa bahagi ng Davilan Road, Bgy. Lantic, Carmona City.

Wala pa ring pagkakakilanlan ang biktima dahil hanggang sa sinusulat ang balitang ito ay nawawala pa rin ang ulo nito.

Natagpuan ang bangkay na walang ulo ganap na alas – 5:10 ng hapon ng araw ng linggo.

Ayon sa Carmona police, nakatanggap sila ng tawag mula sa isang concerned citizen hinggil sa katawan ng lalaki na pugot ang ulo.

Ang biktima ay tinatayang may taas na 5’6 at may tattoo sa kanang  dibdib.

Patuloy ang imbestigasyon ng pulisya sa pagkakakilanlan ng biktima at kung sino ang gumawa ng karumal-dumal na krimen.